Асноўная задача навучання матэматыцы ў
школе заключаецца ў забеспячэнні трывалага і свядомага авалодання вучнямі
сістэмай матэматычных ведаў і ўменняў, неабходных у паўсядзённым жыцці і
працоўнай дзейнасці, дастатковых для вывучэння сумежных дысцыплін і працягу
адукацыі.
Нараўне з рашэннем асноўнай задачы,
вывучэнне матэматыкі на факультатыўных занятках «Сцяжынкамі матэматыкі»
прадугледжвае фарміраванне ў вучняў устойлівай цікавасці да прадмета, выяўленне
і развіццё іх матэматычных здольнасцей.
Дадзены электронны рэсурс закліканы дапамагчы
настаўнікам у арганізацыі працэсу
навучання вучняў 5-га класа падчас факультатыўных заняткаў. Матэрыял адпавядае
метадычнаму дапаможніку “Сцяжынкамі матэматыкі” распрацаванаму Гуцановічам Сяргеем Аркадзьевічам і Касцюковіч
Наталляй Уладзіміраўнай.
Курс “Сцяжынкамі матэматыкі” распрацаваны з улікам вучэбнай праграмы для
ўстаноў агульнай сярэдняй адукацыі і арыентаваны на шматгранны разгляд зместу курса матэматыкі 5-га класа па
ўсіх змястоўных лініях праграмы.
Пры падборы матэрыялу для факультатыўных
заняткаў улічваюцца ўзроставыя і індывідуальныя асаблівасці вучняў, выкарыстоўваюцца
рознаўзроўневыя заданні з улікам вучэбнай праграмы па матэматыцы.
Курс арыентаваны на развіццё ў вучняў
цікавасці да пазнання матэматыкі, набыццё першапачатковых навыкаў даследчай
дзейнасці.
Прапанаваныя на старонках рэсурса наглядныя
матэрыялы забяспечваюць выкарыстанне новых інфармацыйных тэхналогій, тэхнічных
сродкаў навучання.
У
рамках факультатыўных заняткаў прапануюцца падарожжы па 8 сцяжынках:
Ø сцяжынкай у свет лікаў і лічбаў;
Ø сцяжынкай ў дзіўны свет дзялення;
Ø сцяжынкай у краіну «Арыфметыка»;
Ø сцяжынкай ў дзіўны свет вылічэнняў;
Ø сцяжынкай у краіну звычайных дробаў;
Ø сцяжынкай ў дзіўны свет арыфметычных і
геаметрычных гульняў, галаваломак і фокусаў;
Ø сцяжынкай з матэматыкай ў часе;
Ø сцяжынкай у займальнае геаметрычнае падарожжа.
Ø сцяжынкай у займальнае геаметрычнае падарожжа.
Для кожнага занятку прапануецца:
1. Цікавы тэарэтычны матэрыял, які дзеліцца на чатыры групы:
Ø Гістарычныя звесткі, змяшчае цікавыя звесткі з
гісторыі ўзнікнення і станаўлення матэматыкі, як навукі ;
Ø Гэта важна, утрымлівае матэрыял важны для запамінання, з мэтай яго выкарыстання на вучэбных занятках і ў паўсядзённым жыцці;
Ø Цікава ведаць, змяшчае дадатковы матэрыял па дадзенай тэме;
Ø Гэта важна, утрымлівае матэрыял важны для запамінання, з мэтай яго выкарыстання на вучэбных занятках і ў паўсядзённым жыцці;
Ø Цікава ведаць, змяшчае дадатковы матэрыял па дадзенай тэме;
Ø Рашаем разам, змяшчае практычныя заданні для рашэння на занятках, цікавыя лагічныя і старажытныя задачы, прыклады хуткага лічэння, заданні займальнага характару.
2. Прэзентацыйныя матэрыялы на кожны занятак;
3. Займальныя заданні адпавядаючыя тэматыцы кожнага з 35 заняткаў, -інтэрактыўныя заданні ў форме віктарын, пазлаў, крыжаванак, разнастайных спаборніцтваў выкананыя ў праграме LearningApps.org.
Асноўная мэта факультатыўных заняткаў:
сфарміраваць
у вучняў цікавасць да матэматыкі як навукі і на аснове адпаведных заданняў
развіваць іх матэматычныя здольнасці і ўнутраную матывацыю да прадмета.
Задачы факультатыўных заняткаў:
Навучальныя:
Ø пазнаёміць вучняў з паходжаннем і
развіццём арыфметыкі, гісторыяй паходжання матэматычных знакаў, некаторымі
прыёмамі вусных і пісьмовых вылічэнняў;
Ø арганізаваць заняткі факультатыва з
улікам індывідуальных асаблівасцей вучняў, з выкарыстаннем педагагічных
тэхналогій;
Ø выпрацаваць у вучняў пачатковыя навыкі
працы з матэматычнай літаратурай і наступным складаннем кароткіх тэкстаў
прачытанай інфармацыі;
Ø працягнуць фарміраваць уменне рашаць
нестандартныя, лагічныя задачы.
Развіваючыя:
Ø развіць пазнавальную і творчую
актыўнасць вучняў на аснове спрошчанага варыянту задач;
Ø развіццё ў вучняў цікавасці да
матэматыкі;
Ø паказаць вучням гістарычныя аспекты
ўзнікнення некаторых геаметрычных велічынь;
Ø разгледзець некаторыя метады рашэння
старадаўніх задач;
Ø асвоіць прынцыпы пабудовы прасторавых
фігур, фігур арыгамі.
Выхаваўчыя:
Ø адказнасць за вынікі вучэбнай работы;
Ø асэнсаваны падыход да выканання
заданняў, імкненне прыйсці да правільнага адказу больш кароткім шляхам.
Практычныя:
Ø выкарыстоўваць
атрыманыя веды і ўменні на занятках і ў конкурсах.
Рэкамендуемыя формы і метады правядзення
заняткаў.
Выкладанне матэрыялу можа абапірацца на
дадатковы тэарэтычны матэрыял, які ў асноўным не дубліруе метадычны дапаможнік,
прэзентацыйныя матэрыялы, выкананне творчых заданняў у займальнай форме.
ЧАКАЕМЫЯ ВЫНІКІ
У выніку вывучэння факультатыўных
заняткаў «Сцяжынкамі матэматыкі» ў вучняў фарміруецца культура лічэння і культура
матэматычнай мовы, паляпшаюцца вылічальныя навыкі і навыкі працы з велічынямі.
Вучні атрымліваюць навыкі самастойнай і творчай працы з дадатковымі тэарэтычнымі звесткамі і цікавымі заданнямі. Гістарычны
аспект развіцця матэматыкі дазваляе павысіць цікавасць вучняў да яе вывучэння,
фарміруе станоўчае эмацыянальнае стаўленне да навучальнага прадмета, спрыяе
развіццю іх інтэлектуальных і творчых здольнасцей.
Факультатыўныя заняткі даюць магчымасць
у даступнай для пяцікласнікаў форме раскрыць паходжанне многіх матэматычных
паняццяў і фактаў, пашырыць матэматычны кругагляд вучняў.
Прапанаваныя факультатыўныя заняткі,
адказваючы адукацыйным, выхаваўчым і развіваючым мэтам навучання, узмацняюць
прыкладную накіраванасць выкладання матэматыкі, выяўленню адораных і
таленавітых вучняў.
Такім чынам, праграма факультатыўных
заняткаў «Сцяжынкамі матэматыкі», маючы вялікую інфармацыйную насычанасць, дае
магчымасць пазнаёміць вучняў з цікавым займальным матэматычным матэрыялам, які з’яўляецца
карысным не толькі для пашырэння іх ведаў па матэматыцы, але і для развіцця
пазнавальных інтарэсаў і творчай актыўнасці.
Факультатыўны курс «Сцяжынкамі
матэматыкі» мае і прапедэўтычную накіраванасць. Яго вывучэнне дазволіць вучням сфарміраваць
ўяўленне аб сваіх магчымасцях ў галіне матэматыкі.